Mahal na araw.
Busy ang mga tao ngayon. Iba iba ang gimik para makisama sa pag-alala ng isa sa pinakahistorical na storya ng Bible, ang Passion of the Christ.
Busy din kami. Busy ako sa pagpapahinga dahil rest day ko, pero hindi ko rin kinalimutan na ito ang isa sa mga araw ng taon na kailangan ang sakripisyo.
Sa dalawang nagdaang araw ng rest day ko, ginawa ko ang mga bagay na ito:
*Hindi kumain ng red meat (Good Friday).
*Hindi ako naglakad pero nagpunta ako sa Santo Sepulcro sa Landayan, San Pedro,Laguna bandang mga 10 o'clock ng gabi - Nakaugalian na kasi ng mga tao doon na tuwing Maundy Thursday, lalakarin mo ang papunta sa simbahan ng Sto. Sepulcro mula sa bahay nyo..kahit pa 500 kilometers ang layo ng bahay ninyo papuntang Landayan.
*Sumama sa prusisyon sa Cabuyao, Laguna na nilibot ang kabuuan ng bayan.
*Manood ng 7 Last Words sa TV. Mas pinili ko na lang sa Tv dahil kung sa simbahan ko yun papanoorin, siguradong aantukin ako lalo na at sobrang init ngayon.
Kung mapapansin mo, hindi pa rin naman ako nagmukhang nagsakripisyo. At ang sagot ko? Hindi nga.
Subukan mo rin manood ng TV. Puro tungkol sa himala. Puro tungkol sa sakripisyo ng Diyos. Puro tungkol sa mga "dapat" gawin para magbalik loob. Mga bagay na nagpapaalala satin na meron tayong Diyos na dapat pahalagahan at hingan ng tawad para sa mga kasalanan natin.
Isa lang ang napansin ko diyan. Mabenta lang ang ganitong palabas kapag may okasyon. Parang Pasko lang yan, mabenta ang salitang "magbigayan" kapag Pasko. Puro tungkol naman sa pagkapanganak ni Jesus ang palabas. At ang trend, saka lang sila nagpapalabas ng mga palabas na ganito kapg may okasyon.. kapag may okasyon lang.
Gusto kong pangunahan ang mga readers, hindi ko tinutuligsa ang mga broadcasting networks.
Base lang sa obserbasyon ko, lalo nung nagpunta ako ng Sto. Sepulcro, andaming kabataang pagandahan ang porma at pataasan din ng heels. Habang nakapila kami papasok sa simbahan, andami ding mga kabataang at mga taong habang papasok ng simbahan ay pumipila din sa dami ng mura ang nababanggit nila. Kesyo mainit.. kesyo masikip..kesyo maraming tao. Ano pa nga ba dapat ang iexpect mo?
Bakit nga ba ang tao, nagpapakabanal lang kung kelan lang kailangan?
Sabi nga sa isang misa na narinig ko sa TV during the holy week, "Hindi kailangang saktan ang sarili, magpapako sa krus, o lumunok ng bubog para lang patunayang nagsisisi ka sa mga kasalanan mo. Ang tunay na pagsisisi ay isang parang agreement paper na pinipirmahan nyo ng Panginoon."
May point nga naman.
Kung talagang nais mong magsakripisyo para sa pagbabago, hindi mo kailangang ipakita sa mundo na sinasaktan mo ang sarili mo. Walang halaga ang arthritis na nakuha mo sa pagpuprusisyon kung pag-uwi mo naman eh minumura mo ang mga kasambahay mo. Wala ring halaga ang mga ginastos mong Php10,000 para sa Visita Iglesia kung pagkatapos naman ng holy week eh hindi ka na makapagsimba kapag Sunday.
Alam ko mukha nakong nangangaral.
Sabihin na lang natin na marami talaga akong observation nitong dumaang holy week. Maraming nagpakabanal, marami ding nagpakatotoo sa pamamagitan ng pagbabakasyon sa boracay, at marami ring parang wala ring pakeelam.
Pero sa totoo nga lang ba, ano ba talaga ang ginawa mo?
Hindi ko alam kung may connect ang tanong ko sa mga article ko pero bahala na kayong umintindi. Wala lang sa wisyo ang lola nyo'.. LOL
- chagadelic gurl -
