Kakatapos lang ng regularization ko last month at ngayon, bumibilang nako sa ika-7th month ko sa trabaho. Araw araw stressful. Araw araw nakakainis ang mga kausap mo. At araw ka ding napupuyat.
Nakakaloka talaga magtrabaho sa gabi. Lalo na sa oras ko na covered na covered and buong umaga ng mga clients. 7PM to 6AM.
Tama. 11hrs akong nasa opisina at nakatitig sa monitor at buong magdamag kong pinapagod ang sarili ko para kumita ng perang isang araw lang eh dumudulas na sa kamay ko.
Kagabi, isang trip ang naisip naming gawin ng mga barkada ko. Hinanda ang tuna na nilagyan ng suka. Nagluto ng scrambled egg at sinabawan ng ketchup. Binuksan ang bote ng Red Horse. Shot na!
Isang normal lang naman na inuman ang naganap kagabi. Pero sa interes naming tatlo (Oo, tatlo lang kaming nag-iinom kagabi), iba iba ang nagpagusapan namin. Umabot sa usapang love life, usapang gaguhan, usapang "kelan-tayo-manonood-ng-alice-in-wonderland", at usapang trabaho.. na naman.
Hindi ko nga alam kung bakit paborito kong ikwento ang trabaho ko, pero kasi siguro, eto yung period ng time na masasabi mo sa sarili mong andami mong gustong gawin sa pera at oras mo pero hindi mo magawa. Noong graduating pa lang ako, excited nakong magtrabaho. Ngayon namang graduate nako, gusto ko na lang ulit bumalik sa pag-aaral.
Balik tayo sa inuman. Sa pagkukwentuhan namin, naisiwalat ko ang pinakadahilan ng stress ko sa trabaho. Nasabi ko talaga na nitong mga huling linggo, andaming pressure sa trabaho. Kabi-kabila ang emails na dapat mahit ang metrics.. dapat ganito.. dapat ganun. Panay pa ang dating ng mga clients na panay din ang bantay sa ginagawa mo (Siguro yung ibang readers hindi maiintindihan ang sinasabi ko about sa trabaho ko). Pressured. Stressed. Yan ang umiikot sa utak ko.
Naging masasakitin ako. Lagi akong nanghihinang pumasok. Para sakin, antagal lagi ng oras ko kapag nasa opisina ako. Para akong bibitayin sa tuwing makikita kong papalapit na ang building ng opisina namin. Para mairaos ko ang araw bibili na naman ako ng iba ibang drugs para lang makayanan ko ang bawat araw araw na ipinapasok ko. Parang sacrifice sakin ang paglabas ng bahay at pagsakay sa bus papuntang makati. At ang masasabi ko lang, ganito ang feeling ng gusto ng mag-give up sa trabaho.
Andun nako sa point na ayoko na talagang pumasok. Gusto ko ng gumawa ng resignation letter. Nagon-line na rin ako para humanap ng ibang trabaho. Yung hindi ng boses at hindi kailangan makipagpatintero sa customer sa kabilang linya. Pero habang binabasa ko ang mga description ng jobs na sinend sakin ng Jobstreet, parang gusto kong lumuha at magtatakbo na lang pauwi ng bahay.
Andito yung mga description na mababasa mong:
Must be willing to handle pressure.
Must be willing to work on shifting schedules
Must be aggressive and goal oriented.
Must know how to handle irate customer and deal with their urgent needs and inquiries in a soft tone.
Lentek! Binabasa ko pa lang para tuloy nawawalan nako ng ganang maghanap ng ibang trabaho. Naisip ko tuloy, lahat ng trabaho may pressure. Lahat ng trabaho may stress. Kahit saan pako magpunta, at kahit makamit ko pa ang pinapangarap kong dream job sa Hollywood bilang director ng films na katumbas nina James Cameron at Ang Lee.. may pressure pa rin. Kahit saang lupalop pa ko ng mundo makarating, kahit anong trabaho, at kahit sinong boss pa ang makaharap ko, may pressure pa rin.. may stress pa rin.. at bawat trabaho.. ay luluhaan mo din.
Nabasa ko dati sa isang libro, how do you define a perfect job? Or which is a perfect job? The job that you hate doing so much but pays you a lot or the job the you love doing but pays you very little?
Sa totoo lang, my current job is definitely not the job anybody should ever wish or dream to have. Pero pinili ko to. Tinanggap ko to. Hiningi ko to. Binigay naman sakin kaya dapat ko lang tanggapin kahit anong challenges pa ang meron dito.
Siguro lang, mas pinili ko ang money kesa sa sarili kong pangarap.
Di bale, may oras pa naman. Sana hindi pa huli ang lahat para sa mga pangarap ko (Ang drama!). And I don't want to take calls forever.
- chagadelic gurl -
